Fræðileg nálgun
Fræðilegar greinar um ESB
Þrjár rannsóknargreinar um efnahagsleg álitaefni í umræðunni um Evrópusambandið. Hverri grein fylgja gögn, forsendur og endurgeranlegir útreikningar.
30 dæmi um villandi framsetningu í skýrslu Áfram Íslands
Ísland er farsælt og auðugt ríki, meðal tíu efstu ríkja ESB á nær öllum venjulegum lífskjaramælikvörðum, í sömu efstu deild og Danmörk, Holland, Svíþjóð, Finnland, Þýskaland og Austurríki. Greining Áfram Íslands dregur upp aðra mynd: að Ísland sé í „meistaradeild“ en ríki ESB í annarri og lakari deild. Hér er greiningin endurreiknuð frá grunni og skjalfest þrjátíu dæmi um villandi framsetningu, frá hagstæðu vali til grófustu villu; nær öll sýna Ísland í fegurra ljósi og eina hreina reiknivillan er Íslandi í óhag. Í ellefu samanburðum sem frásögnin hvílir á reynist val á heiti, nefnara, tímabili, samanburðarhópi eða breytu í öllum tilvikum Íslandi í vil; á hefðbundnum mælikvörðum minnkar sérstaðan, hverfur eða snýst við.
Grein í PDF
Gögn og tölvukóðar
Drög að mati á lækkun vaxtakostnaðar íslenskra heimila við upptöku evru
Greinin ber raunvexti íslenskra íbúðalána saman við evrukjör og metur áhrifin á heimili. Miðmat sýnir 3,7 prósentustiga mun. Fyrir 60 milljóna króna lán til 25 ára lækkar mánaðargreiðsla um 113 þúsund krónur. Árleg raunvaxtabyrði heimila í heild gæti lækkað um 108 milljarða, eða 2,2 prósent af landsframleiðslu, að öðru óbreyttu.
Grein í PDF
Gögn og tölvukóðar
Ísland er dýrara en öll ríki ESB, líka að teknu tilliti til launa
Verðlag þess sem heimilin kaupa er 62 prósentum yfir meðaltali ESB og 73 prósentum sé opinber þjónusta talin með. Há laun skýra aðeins hluta af þessu: eftir stendur 24 til 31 prósents álag umfram það sem launin segja til um, stærsta frávik nokkurs lands í samanburðinum. Reynsla Finnlands og Svíþjóðar bendir til að slíkt álag hjaðni verulega eftir inngöngu í ESB. Fullyrðing Áfram Íslands um að Ísland sé 28 prósentum „ódýrara“ en ESB reynist mæla hlutfallslegan kaupmátt á hvolfi, ekki verðlag.
Grein í PDF
Gögn og tölvukóðar